إضحك مع الحشاشين (3)

**كريم نور** الخميس أكتوبر 18, 2007 12:19 am

1- واحد سأل محشش أيه هوه اقدم حيوان .... قاله الحمار الوحشى .. سأله ليه ؟ قال... لانه ابيض واسود

2- اثنين محششين الاول قال للثاني : ايه معنى السبيل ؟ قاله يعنى الطريق قال : طيب ايه معنى السلسبيل ؟ قال : الطر طريق

3- مرة واحد حشاش صايم اتصل باذاعة اف ام سألوه تحب تسمع أيه؟ قالهم مقطع من أذان المغرب

4- محشش سايق عربيه وقف عند نقطة تفتيش العسكري قال له : رخصك لو سمحت ...... المحشش قاله : حشيش أيه اللي بتتكلم عليه

5- مرة محشش واقف قدام التلاجة بيفتح الباب بتاعها براحة ويقفلة تانى جة صاحبة وقالة بتعمل كدة ليه قالة اموت واعرف مين بيطفى النور من جوة

6- مره واحد بيحشش بيقول لصحبه امبارح جيت اسحب نفس قالوا لى ملكش رصيد

7- حشاش بيقول لزميله يااخى ماتيجى نروح فلسطين قاله : ليه قاله : نروح نضربلنا حجرين

8- واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة

9- مرة إتنين محششين إتفقوا إن أول واحد يعدي في الشارع يقطعوا راسه و يلعبوا بيها كرة

المهم أول واحد عدي كان مسطول أكتر منهم ... فقالوا له بص إحنا إتفقنا نقطع راسك و نلعب بيها كوره قام مطلع سكينة و ضاربها في دماغة و قال

لهم ده أنا أفسيها قبل ما تلعبوا بيها

10- واحد مسطول الظابط قالة "اسمك اية" قالة "انا ياباشا ? قالة " أمال أنا يا اخويا" قالة "سعيد يا باشا" قالة "سنك كام" قالة "انا يا باشا" قالة "لا انا يا اخوية قالة بتاع انت 42 43

11- جماعة بيحششوا فى الترب طب عليهم البوليس وقالهم الظابط:قدامى كلكم على البوكس .. واحد مرديش قام الظابط شخط فيه وقالوا: قوم يامسطول رد

المسطول وقالوا: لأ يا باشا أنا مش معاهم .. اناميت

12- مسطول خبط شرطى بالعربية و موته راح متصل ب122 و قالهم:أحب أبلغكم انكم بقيتم 121

مع تحياتى