والله حلوين

**كريم نور** الخميس أكتوبر 18, 2007 1:20 am

1- فرخه إتجوزت فيل . .. جابوا تشيكن فيليه

2- واحد بلدياتنا بيلعب في مناخيره . . فتحهم على بعض

3- واحد بخيل ابنه مات راح يعمل نعي في الجرنان كتب " محمدين ينعي ولده ويصلح ساعات "

4- بلدياتنا فتح محل بيتزا .. سماه بيتزا هع

5- سمّاك ابنه مات قعد فى الجنازة يعيط ويقول ده كان لسه صاحى وبيلعب

6- واحد رخم قوي دخل السينما مالقاش فيها غير واحد راح قعد وراه وقاله دماغك لو سمحت

7- بلدياتنا طوبه جات في صدره بص وراه

8- ظابط بيسأل عسكرى أيه اللى جاى انهارده ع القناه الأولى ..... قاله برنامج إخترنا لك قاله بتقول أيه يا عسكرى ..... قال برنامج إخترنا لسعادتك

9- كبابجى يوم جوازه فرش سريره بقدونس

10- واحد سافر امريكا ...وبعد سنتين اتصل بأبوه وقال له انا اتجوزت وجاني ايدز .......... ابوه إضايق قوى وقال له ... ليه ما سميتوش على اسم جدك

11- أسانسير عطل طلع ع السلم

12 - واحد نام متأخر لقى الحلم بدأ