مش كتير عليكوا

**كريم نور** الثلاثاء أكتوبر 09, 2007 1:26 pm

بلدينا بيقول لصاحبه ابنك سقط فى المدرسه قاله حد اتعور
----------------------------------------------------------------------------------------
بلدياتنا راح يغير أنبوبه بوتاجاز الراجل بيقوله فين الفاضيه قاله لأ مانا هشربها هنا
---------------------------------------------------------------------------------------
بلدياتنا نجح في انتخابات مجلس الشعب ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا
---------------------------------------------------------------------------------------
مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة
----------------------------------------------------------------------
مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه
----------------------------------------------------------------------------------
واحد مسطول راح معمل تحاليل قالهم انتوا ليه بتحللوا البول و تحرموا الخمره
-----------------------------------------------------------------------
قهوجى أشترى عربية طلع الكراسى بره
-------------------------------------------------
واحد بلدياتنا اشترى عربية اتوماتك راح قاطع رجله الشمال

-------------------------------------------------
واحد بلدياتنا إتلم عليه أربع شياطين: واحد يوسوس له و تلاته يشرحوا له
---------------------------------------------------------------------
واحد ميكانيكي فتح مصنع شيكولاتة سماه كالاكسى
----------------------------------------------------------------------------
ليه الجماعه بلدياتنا خلصوا؟ وزعوهم على النكت
---------------------------------------------------------------------------

اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير هناك، دخلو قعدو جمب واحد فى الصيوان بيدخن قال الاول : انفاس معدودة وقال التانى : كلنا لها رد الراجل : محدش واخد منها حاجة
----------------------------------------------------------------------------------
واحد بلديتنا قاعد في مؤتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه فقام واحد ايطالي و قال
احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول
-----------------------------------------------------------------------------------
مذيع تليفزيوني حب يثبت ان بلدياتنا اذكياء فعمل برنامج مسابقات و استضاف 3 منهم فسأل الاول مين اللى انتصر فى الحرب العالمية التانية الحلفاء ولا المانيا النازية؟ فأجاب الحلفاء طبعا التفت الى التاني وسألة مين اللي كسب فى اخر ماتش الاهلي ولا الزمالك؟ فأجاب الاهلي طبعا فسأل التالت فهمت اية من اجابة السؤالين اللي فاتو؟ افهم ان المانيا حتلاعب الزمالك على التالت والرابع